每月課堂

同學話：Pin你就好啦，成日見你去日本，又周圍食甜品嘆世界。 是咁的。。。 由細到大天天只愛發甜品白日夢，淨係想去日本旅行，搞到全身七勞八傷都完全唔理。直到2021年某個星期日下午，如常在梳化瞓晏覺，童言無忌的大仔講出真心話。 媽媽： 點解你越嚟越肥？ 黑眼圈又大？ 個個禮拜日都淨係瞓喺度唔郁嘅？ 感謝、感動、感激個天派個仔來點醒我。愚公移山之旅由此時此刻念萌生而起。既然咁鍾意整甜品，如果唔keep住個身體，又點可以繼續教班？同將來去日本旅居？ 於是在2022年1月1日，適逢Cocoa Pin 成立 10周年，加上疫情成日停課唔使返工，坐言起行，連續10個月，每月10次10公里跑步，每月10次在社交媒體分享由心享受不重複法式甜品相片。 想法其實有點像愚公移山，100次跑，100個甜品餐單post。可能路過的朋友見到，第1次會忘記了，第2次見到會停留看10秒，第3、4、5次見會用行動點讚，第10+次會留言為我打氣。不過每一次都有一個機會，有一位朋友停一停想一想，無論外面世界有幾灰都可以，選擇享受自己喜歡的食物。選擇做自己最愛的事。選擇好好照顧自己，足夠。 完成100個甜品跑步post嗰一刻自己都有啲感動，原來只要目標清晰，有健康身體，凡事都可能。之後更有股動力諗吓下一個目標，好想食咗個富士山專頁因此出世了。每日為香港人送上有價值日本資訊係初衷，其實亦想藉此提提自己將來生活想點過？夢想喺邊度，動力就喺邊度。 這篇文章可能未必啱人人口味。只想記錄一下，提提自己，日日分享日本生活吃喝玩樂資訊好易迷失，要記住初心，好想食咗個富士山前，請先好好照顧自己。 2022年完成100日愚公移山之旅 2023年完成365個好想食咗個富士山資訊post 2024年繼續一步步走向富士山 健康是一點一點的累積，生活是一日一日的堆疊。自問冇咩特異功能，淨係鍾意整蛋糕，同想去日本旅居。無論最終夢想是否成真，最少每日行前一小步，繼續分享有價值日本資訊，仲宥做運動照顧好自己。感謝大家一路同行，會繼續分享有價值日本資訊，一齊繼續發甜品夢。   【100日愚公移山之旅小回顧】 2022.1.1 (Day 1)純蔬菜汁+國王批+路跑10km 2022.1.3 (Day 2)牛奶咖啡+ 白奇亞籽+美式芝士香草牛油脆粒(Pin老師作品）+手撕意大利Panettone (K同學作品）+路跑10km 2022.1.6 (Day 3)黃金咖啡+雙層意式奶凍 (Pin老師作品）+朱古力閃電泡芙 (Pin老師作品）+路跑10km 2022.1.10 (Day 4)無糖黑咖啡+紫富士山吐司(Pin老師作品）+朱古力脆皮泡芙 (Pin老師作品）+路跑12km 2022.1.13 (Day 5)30年老陳皮燉檸檬+北海道40%忌廉x比利時70% chocolate truffle (Pin老師作品）+經典榛子巴黎圈(Pin老師作品）+路跑15km 2022.1.16 (Day 6)成人限定青提汁Gewürztraminer +經典聖安娜Saint Honore (Pin老師作品）+ 路跑15km 2022.1.20 (Day 7)北海道蜜瓜汁+免搓意大利香草包(Pin老師作品）+路跑11km 2022.1.23 […]

【北海道無料婚紗相秘境 】 從前有兩個好普通的中學教師，Pin老師與家明Sir。一個鍾意整甜品，一個鍾意去旅行，2008年進入新階段，結婚前完無影過婚紗相。因為好拍比攝影師規定做指定動作，仲要被好多唔識的工作人員圍住，影得勁唔自然。仲有係聽得太多朋友講，晒相時俾人迫揀好多張相，之後執相執到個樣都認唔到，最後仲要掛到一屋都係大油畫架，唔知掉唔掉好。苦。。。 佢地計劃不如用影結婚相的錢，去北海道Honeymoon 同自拍婚紗相。 北海道無料影婚紗相攻略： 準備禮服： 結婚時我們都訂做了婚紗及西裝，所以自己帶禮服，一毫子都唔使比。我件婚紗比較特別，裙尾係可拆式，亦可加入不同配件。例如吊帶、腰帶、頭紗、外套。咁就好似換咗好多件衫，其實着嚟着去都係一條白裙。簡單啲嚟講，件婚紗就好似細個玩Barbie公仔條裙咁，明就明。   如果冇禮服小貼士： 其實女仔買條白長裙，男仔簡單恤衫西褲，真係唔建議嚟到日本先租，因為會好冇彈性，成日記住要還衫，就算見到靚景點，都唔可以即興換衫影相。北海道周圍景色咁靚，白裙恤衫簡簡單單，影出嚟都好靚好有feel。   女仔化妝set頭： 其實最好紮起頭髮，會比較乾淨整潔，再插朵頭花。我在100円店買咗兩朵膠花，唔怕凋謝效果OK。化妝豐儉由人，我全部都係去到景點在車上自己化妝，其實影相全部天然光，簡單淡妝影出嚟仲更加自然，張相放10幾年都好襟睇。   手花： 一早諗咗要攞薰衣草，去到富良野富田農場，500円一扎有交易，細細扎容易拎。其實背景一街都係花，如果隻手仲攞住咁多花，好似有啲多餘。   自拍神器： 2008年仲未有自拍神棍，我們全程用腳架加遙控，細心D睇相，其實家明隻手成日拎住個遙控，好好笑。16年後嘅今日，應該乜嘢自拍神器都有，唔使擔心。   打燈： 呢個比較大問題，我哋所有相全部自拍，冇人幫手打燈或攞反光板， 所以唯有用天然光，結果難免塊面有光暗，唯有擺pose就下，所以你見到啲相，成日望住個太陽就係咁解。我就唔係太介意，影10張有一張靚都OK啦，全部都唔使錢㗎喎。   交通： 因為要換禮服及化妝，又要放相機 當然係要租車啦，我哋一共租咗十幾日車。俾個平價租車方法小貼士你，日本租車日數越長越平，租15-30日價錢，同14日差唔多，所以出發前上租車網站睇清楚，可能租多幾日車仲平。   額外支出: 我哋去咗19日，其中有5-6日都有換衫影相，當然喺富良野、美瑛就影得最多。要留意大部份景點都係免費，只有少部份花園要收入場費，都係幾百円左右好平。所以如果你唔係太介意，張張相都要世界大師級，基本上真係完全無料，就影到一輯，獨一無二靚景婚紗相。 影相最緊要影得自然開心，同最鍾意嘅人，去到最鍾意嘅地方一齊honeymoon，去到邊都自拍玩吓。就算最後只得一張相滿意，都已經不枉此行。預祝各位準備出發北海道honeymoon 的朋友仔，行程順利，甜甜蜜蜜。   講咗咁耐，你最想知究竟我去咗邊度影相？ 北海道無料婚紗相秘境list: 1. 北竜町ひまわりの里portal.hokuryu.info/himawari 2.富良野日之出公園www.pref.hokkaido.lg.jp/kn/tkn/hana/place/n026.html 3.富良野四季彩之丘www.shikisainooka.jp/ 4.富良野富田農場www.farm-tomita.co.jp/east/ 5.美瑛北西之丘 展望公園 http://www.biei-hokkaido.jp/……/hokusei-no-oka……/ 6.美瑛市街道道213號 7.美瑛Ken & Mery 之樹 www.biei-hokkaido.jp/ja/sightseeing/ken-merry-tree/ 8.帶廣紫竹ガーデン http://shichikugarden.com 9.札幌北海道大學 www.hokudai.ac.jp/ 10札幌北海道庁 […]