北海道帶廣市幸福駅打咭熱點

【北海道帶廣市幸福駅打咭熱點】

一切由幸福開始。幸福係要自己爭取的，所以第一篇文章要提提自己：

將來最想同邊個一齊？

最想做啲乜？

最想去邊度旅居？

答案係北海道

過往一共去過4次北海道，分別是2003 年夏天、2005年冬天、2008 年夏天、2018年夏天。 老實講，真係推介夏天去，冬天雪祭去，凍到影相笑唔出，而且亦試過在冰面炒車，實在太驚險，一啲都唔好玩。 夏天推介七月初去，因為七月尾-八月初，薰衣草已經謝晒，影相真係大打折扣。 北海道咁多景點，自己最鍾意係帶廣市幸福駅，因為有火車，有草原，有道具，有幸福之鈴，感覺好日本，影出嚟啲相好靚。另外個站名又sweet。 幸福駅一共去過兩次，第一次係honeymoon，第二次係結婚10周年帶埋兩個仔去，所以影出嚟啲相睇返都好難忘。

幸福駅小檔案：

根據帶廣市觀光情報網站資料，原來幸福駅有段故。 幸福駅於1956年開設，是舊國鐵廣尾線的的其中一個站。

1973年NHK電視台有一節目，曾經介紹過幸福駅，因此在日本國內引起話題，並成為旅遊熱點。

可惜廣尾線於1987年停止營運，幸福駅頓變成廢站。由於日久失修，站內的主要設施已經非常殘舊。

直至2013年帶廣市決定重修幸福駅，並加入各種全新元素，吸引遊客。復修後每年吸引超過20萬人有遊客到訪，成為北海道旅遊必到打卡熱點。

推介幸福駅各個打卡位:

• 橙色火車

• 蒸氣黑色火車

• 幸福車票道具

• 幸福之鈴

• 幸福小屋

2008年橙色火車

2018年橙色火車

2008年幸福車票道具